"Omıkron" larıngotraheıtti týdyrady
Pedıatr dáriger, medısına ǵylymdarynyń doktory Sergeı Tokarev «omıkron» juqtyrǵan kezde balalarda larıngotraheıt damýy múmkin ekendigin alǵa tartyp otyr.
Onyń aıtýynsha, eger bala aýyr tynys alyp, muryn-erin mańynyń kógergeni baıqalsa, onyń ústine, ıttiń «úrgenine» uqsas jótel bolsa, onda dereý dárigerlerge qaralý kerek. Mundaı belgiler larıngotraheıttiń asqynyp kele jatqanynan belgi beredi, dep habarlaıdy Almaty-akshamy.kz REN-TV saıtyna silteme jasap.
Mundaı asqynýǵa 5 jasqa deıingi uldar beıim keledi eken. Larıngotraheıttiń kúrdeli fazasynda kómeı isip ketýi múmkin. Mundaı jaǵdaıda shuǵyl túrde aýrýhanaǵa jatyp, dereý em-sharalar qabyldaý kerek bolady.
«Kúrdeli larıngotraheıt kóbinese bes jasqa deıingi uldarda damıdy jáne onyń saldary kómeıdiń tarylýyna ákeledi. Erterekte kishkentaı balalarda ol kóbinese paragrıpp kezinde asqynsa, qazir mundaı jaǵdaılar «omıkron» kezinde kóbeıip otyr», - dedi Tokarev.