Lenın joly, Komýnızm sıaqty ataýlar ózgertilip jatyr.
Túrkistan oblysynyń Keles aýdanyndaǵy segiz eldi mekenniń ataýy aýysty, dep habarlady Almaty-akshamy.kz Turkystan.kz silteme jasap.
Túrkistan oblysy ákimdiginiń qaýlysy men máslıhattyń birlesken sheshimine sáıkes, Keles aýdany Aqtóbe aýyldyq okrýginiń M.Gorkıı aýyly budan bylaı Keńdala atalady. Al Aqtóbe aýyldyq okrýginiń ortalyǵy – Qyzylásker aýyly Lesbek batyr ataýyna ıe boldy. Sondaı-aq aýdandaǵy Ordjınıkıdze aýyly Sámbet Sattarov, Dmıtrovo aýyly Oraz ata, Ázerbaıjan eldi mekeni Kóltoǵan, Lenın joly aýyly Aqjol, Pervoe maıa aýyly 1 mamyr, Komýnızm eldi mekeni Ashysaı bolyp ózgertildi.
«Táýelsizdiktiń arqasynda óńirimiz aýmaǵyndaǵy otarshyldyq pen totalıtarlyq dáýirlerden qalǵan ataýlardan birtindep arylyp kelemiz. Bul jumystardyń artynda zıaly qaýym men túrli qoǵamdyq birlestikterdiń jáne jergilikti onomastıka komısıalary tarapynan uzaq jyldar boıy tynymsyz júrgizilgen júıeli jumys nátıjesinde qol jetkizdik», – deıdi aýdandyq onomastıka salasyna jaýapty ishki saıasat, mádenıet, tilderdi damytý jáne sport bólimi basshysynyń orynbasary Erbol Nazarov.