Bul - Oqý-aǵartý mınıstri Asqat Aımaǵambetovtiń sózi.
Elektrondy portfolıo engizilgen kezde, muǵalimder qaǵaz júzinde qujat tapsyrýdan tolyq qutylady, dep habarlaıdy Almaty-akshamy.kz
Jyl sońyna deıin pedagogtiń elektrondy portfolıosy aqparattyq modýlin iske qosý josparlanyp otyr.
Bul júıe – óte qajetti júıe. Jyl aıaǵyna deıin tolyǵymen aıaqtaýymyz kerek. Biraq ishindegi barlyq tetikteri daıyn bolǵanyn kútip otyrmaımyz, birtindep iske qosa beremiz. Bul júıe mektepte isteıtin pedagogterge ǵana emes, kolej muǵalimderine, balabaqshadaǵy áriptesterimizdiń bárine tıesili ári qajet júıe bolady. Pedagog asttestasıasy da tolyǵymen elektrondyq júıe arqyly ótedi. Ár pedagogtiń jeke portfolıosy, bilimi, sanaty, tájirıbesi, jetistikteri, dıplomy, biliktilik kýrstary týraly sertıfıkattary, bári osy júıede bolady, – dedi Asqat Aımaǵambetov.
Onyń aıtýynsha, elektrondyq portfolıo tolyq iske qosylǵanda, muǵalimder qaǵaz júzinde qujat tapsyrýdan tolyq qutylady.
Attestasıa bolsyn, konkýrs bolsyn, dırektorlyq laýazymǵa qujat ótizý qajet bolsyn, kýrsqa jazylsa da, túrli saıystarǵa qatyssa da elektrondyq portfolıosy boıynsha bir knopkany ǵana basyp, qajetti aqparatty tikeleı jibere salýǵa múmkindik alady, – dedi vedomstvo basshysy.
Sonymen birge ol atalǵan qural arqyly muǵalimderdiń shaǵymdaný prosesin de jeńildetý kózdelgenin atap ótti.
«Buǵan taǵy bir qosymsha engizip jatyrmyz. Qaǵazbastylyq bolsa, pedagogtiń quqyqtary buzylsa, arnaıy fýknsıa arqyly elektrondy portflıoǵa kirip-aq tikeleı shaǵym túsirýge múmkindik beremiz. Eshqaıda baryp jatpaı, basqa qosymsha servsıterge, aqparattyq júıelerge súıenbeı, osy jerden-aq, mysaly bizdiń №130 buıryqta qarastyrylmaǵan esepter bolsa, ózine tán emes jumysqa májbúrlese, basqa da jaǵdaılarda muǵalim óziniń jeke elektrondyq portfolıosynan tıisti aqparatty tikeleı jibere alady. Ol aqparat birden bizdiń jergilikti departamentterge túsedi. Olar atalǵan aqparatpen dereý jumys isteýge mindetti bolady. Korporatıvtik poshtasy da bolady. Jańalyqtar da, saýalnamalar da, muǵalimge kerek barlyq normalar, aqparattar osy jerge ornalastyrylyp, bizdiń áriptesterimizge yńǵaıly bolady dep esepteımin», - dedi mınıstr.
Buǵan qosa mınıstrlikke qarasty Aqparattyq-taldaý ortalyǵynyń basqarma tóraǵasy Maǵjan Amanǵazynyń aıtýynsha, portfolıoda pedagogtiń ózine tıesili aılyǵyn esepteıtin qosymsha da ornatylmaq.
«Muǵalimniń jalaqysyn esepteýge arnalǵan kálkýlátor, biliktilikti arttyrý kýrsyna qajetti qujat tapsyrý, Ulttyq biliktilik testine qatysýǵa ótinim berý sıaqty kóptegen qyzmetterdi qarastyramyz. Bári birden emes, ret-retimen engiziledi», – dedi ortalyq basshysy.
Eske sala ketsek, buǵan deıin Aımaǵambetov vedomstvonyń apparat jınalysynda mektep asqanalaryndaǵy tamaq pen sýsyn baǵasynyń áli de arzandamaı turǵanyn synǵa alǵan bolatyn.