«Pedagogıkalyq ıdeıalar panoramasy – 2025» respýblıkalyq baıqaýy jarıalandy
Baıqaýǵa elimizdiń barlyq óńirindegi mektepke deıingi, orta, qosymsha, tehnıkalyq jáne kásiptik, orta bilimnen keıingi bilim berý uıymdarynyń pedagog qyzmetkerleri qatysa alady. Jeńimpazdar TMD elderi arasynda ótetin Pedagogıkalyq sheberlik halyqaralyq festıvaline qatysýǵa múmkindik alady. Sonymen qatar, baıqaý nátıjeleri pedagogterdi atestattaý kezinde eskeriledi.
Konkýrsqa kelesi 7 baǵyt boıynsha jumystar qabyldanady:
1. Oqý saýattylyǵy
2. Matematıkalyq saýattylyq
3. Jaratylystaný-ǵylymı saýattylyq
4. Sıfrlyq saýattylyq
5. Ekologıalyq saýattylyq
6. Mádenıetaralyq saýattylyq
7. Qarjylyq saýattylyq
Jyl saıyn uıymdastyrylatyn bul baıqaýdyń sharttaryna bıyl ishinara ózgerister engizildi. Endi óńirlik kezeńnen ótý úshin beınematerıal ázirleý mindetti emes. Aldymen jumys mazmuny men ózektiligi jazbasha túrde negizdeledi. Al respýblıkalyq kezeńge ótken soń, pedagogıkalyq ıdeıany beınematerıal retinde usyný qajet.
Baıqaý talaptary:
• Árbir qatysýshy tek bir baǵyt boıynsha bir jumys usyna alady;
• Jumys avtorlyq ádistemelik ıdeıany qamtýy tıis;
• Materıal basqa konkýrstarǵa qatyspaǵan, esh jerde jarıalanbaǵan, úshinshi tulǵalardyń avtorlyq quqyqtaryn buzbaıtyn jáne Qazaqstan zańnamasyna saı bolýy tıis. Úzdik materıaldar respýblıkalyq «Úzdik pedagogıkalyq praktıkalar» bazasyna engiziledi. Jumystardy qazaq, orys jáne aǵylshyn tilderinde usynýǵa bolady. Konkýrstyń óńirlik kezeńine qatysýǵa ótinimder https://ppi.orleu-edu.kz saıtynda 1-maýsym – 1-qyrkúıek aralyǵynda qabyldanady. Qosymsha aqparat alý úshin «Órleý» BAUO oblystyq fılıaldaryna, sondaı-aq Almaty jáne Shymkent qalalaryndaǵy fılıaldarǵa habarlasýyńyzǵa bolady.
K.Besırova,
«Órleý» Almaty oblysy