Buǵan deıin birqatar buzýshylyqtarǵa jol berilýine baılanysty is qujattary quzyrly organǵa keri qaıtarylǵan bolatyn, dep habarlaıdy Almaty-akshamy.kz.
Aıyptalýshylardyń arasynda rólderdi, keltirilgen zalaldy jáne taǵy basqasyn sıpattaý kezinde QİJK-niń eleýli buzýshylyqtaryna jol berilgenine baılanysty is prokýratýraǵa qaıtaryldy. Alaıda sot alqasy qylmystyq isti qaıtarý týraly qaýlynyń kúshin joıý týraly qaýly shyǵardy jáne ony qylmystyq ister jónindegi mamandandyrylǵan aýdanaralyq sotqa (SMÝS) qaraý úshin joldady.
"2023 jyldyń 1 qańtarynan bastap sybaılas jemqorlyq qylmystar jaıly isterge qatysty aıyptaý aktisin prokýror toltyrady, al sotqa deıingi tergep-tekserý organy tek sotqa deıingi tergep-tekserýdiń aıaqtalǵanyn jetkizip, esep ótkizedi. Apelásıalyq satyda prokýror sot alqasyna jańa aıyptaý aktisi toltyrylǵanyn, onda aldynda jiberilgen qatelikter túzetilgenin, aıyptaýdyń máni tolyq kólemde sıpattalǵanyn, senip tapsyrylǵan múlikti asa iri mólsherde, ıaǵnı sottalýshylardyń aldyn ala sóz baılasýy arqyly bótenniń múlkin urlaý boıynsha oılary bir bolǵanyn jetkizdi", - dep habarlady Pavlodar oblystyq sotynyń baspasóz qyzmeti.
Birinshi satyda óńirlik polısıa departamentiniń burynǵy bastyǵy Nurlan Másimovke qatysty para alý, senip tapsyrylǵan bóten múlikti ıemdený nemese ysyrap etý, QR memlekettik shekarasyn qasaqana zańsyz kesip ótý faktisi boıynsha tirkelgen qylmystyq istiń aldyn ala sot tyńdalymy ótti. Sonymen qatar is boıynsha departament basshysynyń burynǵy orynbasary Damır Sırazıdımov ta aıyptalýshy bolyp sanalady, oǵan para alý, senip tapsyrylǵan bóten múlikti ıemdený nemese ysyrap etý boıynsha aıyp taǵylǵan. Sondaı-aq, kásipker Evgenıı Evkovıch senip tapsyrylǵan bóten múlikti ıemdenýge nemese ysyrap etýge kómekteskeni úshin sottalyp jatyr.
Buǵan deıin sotqa deıingi tergeý organy burynǵy joǵary laýazymdy polıseılerge "memlekettik satyp alýdy ótkizý jáne úlestes kompanıalarmen kelisimsharttarǵa qol qoıý kezinde qamqorlyǵy úshin 90,3 mln teńge somasynda para aldy jáne 420 mln teńge somasynda búdjet qarajatyn urlady" degen aıyp taǵylǵany habarlaǵan bolatyn.