Aqmola oblysynyń CyberPol bólinisiniń qyzmetkerleri bolgarıalyqty 102 mıllıon teńgege aldaǵan qylmystyq toptyń múshelerin ustady, - dep habarlaıdy Aqshamnews.kz tilshisi Polisia.kz-ke silteme jasap.
Sheteldik azamat mamyr-maýsym aılarynda ınternet-alaıaqtardyń qurbanyna aınalǵan. Qaskóıler ózderin bank qyzmetkerleri retinde tanystyryp, jábirlenýshini iri kólemdegi aqshany bógde adamdardyń shotyna aýdarýǵa kóndirgen.
Túsken aryz boıynsha polıseıler qylmystyq is qozǵap, sıfrlyq tehnologıalardy paıdalana otyryp, jedel-izdestirý sharalaryn júrgizdi. Nátıjesinde qylmystyń eki uıymdastyrýshysy anyqtaldy. Olar Pavlodar oblysynyń turǵyndary.
Sonymen qatar, qylmystyq sqemanyń taǵy tórt yqtımal qatysýshysy belgili boldy. Ustalǵandar Pavlodar qalasynda ótken "Kontrafakt" jedel-aldyn alý is-sharasy aıasynda qolǵa tústi. Aldyn ala málimet boıynsha kúdiktilerdiń Kókshetaý qalasy men Qorǵaljyn aýdanynda bolǵan eki uqsas alaıaqtyq deregine de qatysy bolýy múmkin.
Basqa jábirlenýshilerdi anyqtaý jumystary júrgizilýde. Tintý barysynda uıaly telefondar men qarajattyń bir bóligi tárkilendi. Barlyq kúdikti ýaqytsha ustaý ızolátoryna qamaldy.