Pavlodar oblysynda «Turkey PVL» JSHS qus fabrıkasynyń qurylysynyń ekinshi kezeńin aıaqtady.
«Turkey PVL» – óńirde kúrketaýyq etin óndirýge mamandanǵan jalǵyz kásiporyn. Kompanıanyń ónimi Qazaqstanda «Pavlodar kúrketaýyǵy» brendimen tanymal, dep habarlaıdy aqshamnews.kz.
Kásiporyn vertıkaldy ıntegrasıalanǵan: kúrketaýyqtarǵa arnalǵan jem ózderiniń qurama jem zaýytynda óndiriledi, qus ósirý men ınkýbasıasy da kásiporynnyń óz ishinde júzege asyrylady. Bul óndiristiń barlyq kezeńderinde joǵary sapany qamtamasyz etýge múmkindik beredi.
2025 jyldyń basynda kásiporyndaǵy qus basy sany 95 myńdy qurady, al óndiris kólemi 3 myń tonnaǵa jetti. Kompanıa óndiris qýatyn arttyrý jumystaryn jalǵastyrýda: 2024 jyly fabrıkada jyldyq qýattylyǵy 3,5 myń tonna bolatyn 10 qus qorasy paıdalanýǵa berildi.
Jalpy, ınvestısıalyq jobany tolyq júzege asyrǵannan keıin qus fabrıkasynyń jyldyq qýattylyǵy 8 myń tonnaǵa jetedi.