"VKontakte" men Telegram negizin qalaýshy Pavel Dýrov Almaty oblysyndaǵy Kólsaı kóline túsip, quqyqbýzyshylyq jasady, - dep habarlaıdy Aqshamnews.kz tilshisi.
Ol Kólsaı kóline túsip shyǵyp jatqan sátin Telegram-daǵy storısinde jarıalap, "Keremet shomyldym" dep qysqa jazba qaldyrdy. Beınejazbada kásipkerdiń sýǵa beıqam túrde kirip bara jatqany kórinedi.
Alaıda jeli qoldanýshylary "Kólsaıda shomylýǵa bola ma, aıyppul salynbaı ma?"degen saýal qoıdy. Ulttyq park erejesine sáıkes, týrıserge sýǵa tek arnaıy belgilengen oryndarda ǵana kirýge ruqsat, al ózge aımaqtarda nemese sýyq maýsymda shomylý – talapty buzýǵa jatady.
kadr vıdeodan alyndy: t.me/durov
Ulttyq saıabaqtyń Tabıǵı keshenderdiń ósimin molaıtýdy qorǵaý departamenti (TKÓMQ) túsinikteme berdi. Vedomstvo ókilderi Kólsaı kólinde shomylý ákimshilik quqyqbuzýshylyq ekenin, barlyq kelýshilerge tyıym salynǵanyn habarlady. Ereje buzǵandarǵa 10 AEK mólsherinde aıyppul qarastyrylǵan – bul 39 320 teńge.
Kólsaı kólderi – İle Alataýyndaǵy úsh taý kóliniń júıesi (Almaty oblysy), teńiz deńgeıinen 1 800–2 500 metr bıiktikte ornalasqan. Sýy óte móldir ári sýyq: jazdyń ózinde temperatýrasy sırek jaǵdaıda 15°C-tan asady.
Aıta keteıik, Pavel Dýrovtyń Kólsaıǵa sapary, shamamen, onyń Astanada ótken Digital Bridge 2025 forýmyna qatysýynan keıin jalǵasqan. Ol forýmda Qazaqstanda JI zerthanasyn ashatynyn málimdegen edi.