Almatyda deratızasıa aıasynda 20 gektardan astam aýmaq dárilenedi, dep habarlaıdy Aqshamnews.kz.
Almatyda 2025 jyly 15 qyrkúıekten 31 qazanǵa deıin kemirgishter taralýynyń aldyn alýǵa jáne halyqtyń sanıtarlyq ál-aýqatyn qamtamasyz etýge baǵyttalǵan deratızasıanyń ekinshi (kúzgi) kezeńi ótkiziledi. Muny Almatynyń Komýnaldyq ınfraqurylym jáne turǵyn úı ınspeksıasy basqarmasynyń tapsyrysy boıynsha «Eko Servıs Almaty» JSHS júzege asyrady.
Búginde Alataý, Jetisý jáne Medeý aýdandarynda kemirgishterge qarsy dárileý jumystary aıaqtaldy.
Jalpy, ashyq jáne jabyq bıotoptardy, sondaı-aq jeke sektordy qosqanda 20 myń gektardan astam aýmaq dárilenedi.
6 qazannan bastap mamandar Almaly aýdanyn dárileýge kiristi. Aı sońyna deıin deratızasıa Bostandyq, Áýezov, Túrksib jáne Naýryzbaı aýdandarynda júrgiziledi.
Bıylǵy kúzgi kezeńde jasyl aımaqtar, ózender men sý aıdyndarynyń jaǵalaýlary, aryq jelileri, qoǵamdyq kólik aıaldamalary, konteınerlik alańdar, sondaı-aq jeke sektordyń jer ýchaskeleri dárilenedi. Jalpy detarızasıalaý Almaty qalasynyń 47,3 myń gektarǵa jýyq aýmaǵyn qamtıdy. Jeke sektor turǵyndary dárilerdi qoldaný jónindegi egjeı-tegjeıli nusqaýlyqpen birge ýly jemdi tegin alady.
Esterińizge sala keteıik, profılaktıkalyq is-sharalar jylyna eki ret – kóktemde jáne kúzde júrgiziledi. Bul keshendi sharalar kemirgishterdiń sanyn baqylaýǵa jáne olardyń taralý qaýpin azaıtýǵa múmkindik beredi.
Almatynyń Komýnaldyq ınfraqurylym jáne turǵyn úı ınspeksıasy basqarmasy vedimistik baǵynysty mekemelerge, PIK, MIB-terine, zańdy tulǵalarǵa aýmaqtarynda dárileý jumystaryn júrgizýdi mindetteıdi.
Dárileý is-sharalaryn ótkizý máselesi boıynsha shaǵymdar men ótinishter týyndaǵan jaǵdaıda qala turǵyndary «Eko Servıs Almaty» JSHS dıspecherlik bólmesine myna telefon nómirleri arqyly habarlasa alady: +7 705 225 13 31 (Magıstral), +7 705 118 77 88 (Nurjan).