Qazaqstanda “Qaýipsiz jol” respýblıkalyq is-sharasy bastaldy. Maqsaty – jol qaýipsizdigin qamtamasyz etý deńgeıin arttyrý, jol-kólik oqıǵalarynyń aldyn alý, JQE kez kelgen buzýshylyqtaryna “múldem tózbeýshilik” qaǵıdatyn nyǵaıtý, dep habarlaıdy almaty-akshamy.kz
Patrúldik polısıa búginnen bastap kúsheıtilgen jumys rejımine kóshti. Respýblıkalyq joldarda da qyzmet kúsheıtildi. İs-shara kezinde kún saıyn jol qaýipsizdigin 7 myńnan astam patrúldik polısıa qamtamasyz etedi, onyń ishinde 1,5 myńnan astam polıseı – qala syrtyndaǵy avtojoldarda.
Osy kúnderi qaýipsizdik beldikterin taǵýǵa, balalardy ustaıtyn qurylǵylardy paıdalanýǵa, kólikti basqarý kezinde uıaly telefondardy paıdalanýǵa, jaıaý júrginshiler ótkelderiniń júrý erejelerin saqtaýǵa erekshe nazar aýdarylady.
– Osy múmkindikti paıdalana otyryp, jol qozǵalysyna qatysýshylardan JQE talaptaryn qatań saqtaýdy, aýa raıynyń nasharlaýy kezeńinde erekshe tártipti bolýdy jáne eldi mekenderden tys jerlerge shyqpaýdy suraımyz, – dep atap ótti İİM.
İs-shara osy jyldyń 29 aqpanyna deıin jalǵasady.