Almatyda jaldamaly turǵyn úı baǵasy kúrt ósti, dep habarlaıdy aqshamnews.kz
Qala turǵyndary bul úrdiske stýdentterdi kinálaýda.
Astana TV deregine súıensek, buǵan deıin megopolıste bir bólmeli páterdi 180 myń teńgege jalǵa alýǵa bolatyn bolsa, qazir onyń quny 250 myń teńgege deıin jetip otyr.
Qala turǵyndary baǵanyń bulaı sharyqtaýyna jańa oqý jylynyń bastalýy sebep bolǵanyn aıtýda. Almatyǵa ózge óńirlerden stýdentter legi kelip, jalǵa berýshiler bul jaǵdaıdy ońtaıly paıdalanyp otyr, deıdi olar.
"Ár jyl saıyn osy ýaqytta, qyrkúıekte suranys ósedi. Tıisinshe, baǵalar da 10-20%-ǵa artatyn kezeń bastalady. Ásirese stýdentter oqıtyn mekemelerge jaqyn Bostandyq jáne Almaly aýdandarda baǵa tipten kóteriledi", – dedi jyljymaıtyn múlik agenttiginiń dırektory Sholpan Abdakova.
Alaıda, ekonomıser jaldamaly turǵyn úı baǵasynyń ósýiniń negizgi sebepterin basqasha túsindiredi. Olardyń arasynda:
naryqtyń shekteýli bolýy;
ınflásıa;
mıgrasıanyń joǵary deńgeıi.