Jyldyq ınflásıa deńgeıi 17,7% qurady.
Qyrkúıektegi ınflásıa deńgeıi tamyzben salystyrǵanda 1,8%-ǵa ósti, dep habarlaıdy Almaty-akshamy.kz Qazaqstan ulttyq statısıka búrosyna silteme jasap.
Qyrkúıek aıynda ınflásıanyń eń joǵary ósim qarqyny aqyly qyzmetterde baıqaldy – 2,7% (2022 j. tamyzda-1,6%), azyq-túlikke jatpaıtyn taýarlar 1,9%-ǵa qymbattady, TBI qurylymyndaǵy qymbattaýdyń eń tómen qarqyny azyq-túlik taýarlarynda –1,2%.
Aqyly qyzmetter arasynda bir aıdyń ishinde eń joǵary ósim turǵyn úıdi jalǵa berý salasynda baıqaldy – 13,1%, bilim berý qyzmetteri 7,1%-ke ósti.
«Azyq- túlikke jatpaıtyn taýarlardyń ishinen jıhaz ben turmystyq zattar baǵasy 5%-ǵa kóterildi, jýý jáne tazalaý quraldary 4,4%-ke, jeke paıdalanýǵa arnalǵan taýarlar 2%-ǵa, kıim men aıaq kıim 1,9%-ǵa qymbattady. Otyn baǵasy 3%-ǵa, tas kómir 2,9%-ǵa, balondardaǵy suıytylǵan gaz 1,5%-ǵa ósti», - delingen habarlamada.
Azyq-túlik taýarlarynyń baǵasy bir aıda (2022 j. qyrkúıekte) 1,2% ósti. Jumyrtqa baǵasy 7,5%-ǵa, kúnbaǵys maıy 4,6%-ǵa, kúrish, makaron ónimderi árqaısysy 4,1%-ǵa, toqash jáne un ónimderi 3,8%-ǵa, jarmalar 3,2%-ǵa, kondıter ónimderi 3,1%-ǵa ósti. Bul rette, jańa pisken kókónister baǵasy 10,2%-ǵa, kartop 8,5%-ǵa, qumsheker 5,2%-ǵa, jańa pisken jemister 3%-ǵa arzandady.
Jyldyq ınflásıa deńgeıi 17,7% qurady. 2022 jylǵy qyrkúıekte azyq-túlik taýarlarynyń baǵasy ótken jylǵy qyrkúıekpen salystyrǵanda 22,2%-ǵa ósti, azyq-túlikke jatpaıtyn taýarlar 17%-ǵa, aqyly qyzmetter 12,3%-ǵa kóterildi.