«New Music Generation 2022» dep atalatyn mýzykalyq dodaǵa álemniń 40 elinen 170 ónerpaz qatysýǵa nıet bildirgen.
Olar usynǵan 300 den astam týyndynyń úzdigin shetelden kelgen eń ataqty, tájirıbeli kompozıtorlar anyqtaıdy, dep habarlaıdy Almaty-akshamy.kz
35 jasqa deıingi jastar baǵyn synaıtyn baıqaý - zamanaýı akademıalyq mýzykany nasıhattaı otyryp, jas kompozıtorlardy qoldaýǵa múmkindik beredi. Ári, ulttyq ónerimizdi dáriptep, Qazaqstannyń mádenı tanymyn nyǵaıtýdyń da mańyzy zor. Konkýrs aldaǵy tórt kúnde onlaın formatta ótedi. Ereksheligi sol barlyq qatysýshylardyń esimi ázirge belgisiz, ıaǵnı qupıa sóz arqyly qatysady. Jeńimpazdar esimi 7-qazan kúni belgili bolmaq.
«Bul úlken dáreje. Óıtkeni Búkil dúnıejúzi osy konkýrs arqyly bizdiń memleketimiz Qazaqstandy bilip jatyr. Germanıa, Fransıa, Italıa, Ulybrıtanıa, AQSH, Ońtústik Amerıka, Shyǵys elderi, Qytaı Japonıa, Ońtústik Koreıa, TMD elderinen de qatysýshylar bar»,- deıdi qazylar alqasynyń tóraǵasy, kórkemdik jetekshi Rahat-bı Ábdisaǵın.