2009 jyldan beri qazaqstandyq metal ónimderi naryǵynda óz qyzmetin júzege asyryp kele jatqan Almaty qalasyndaǵy «MetalPromGroup» ónerkásibinde óńirlerge jumys sapary barysynda AMANAT partıasynyń májilismenderi Bekqalı Torǵaev pen Artýr Platonov kezdesý ótkizdi, dep habarlaıdy Almaty-akshamy.kz.
Kompanıa basshylyǵy partıalyqtarǵa olardyń ónimderine memlekettik tapsyrystyń bar ekenin atap ótýdi usynyp, otandyq óndirýshilerge nazar aýdarýdy surady. Májilismenderdiń pikirinshe, bul shyn mánisinde Qazaqstan ekonomıkasynyń artýyna jáne eldiń odan ári ekonomıkalyq damýyna yqpal etetin bolady. Onyń ústine, Túrkıaǵa sapary barysynda Memleket basshysy Qasym-Jomart Toqaev Qazaqstan adal básekelestikti kúsheıtý, jeke menshikti qorǵaý, ekonomıkany monopolıasyzdandyrý arqyly ekonomıkany sapaly jańǵyrtýǵa baǵyt alǵanyn erekshe atap ótti.
Sonymen qatar, partıalyqtar kompanıa jumysshylaryna Konstıtýsıaǵa engiziletin ózgerister men tolyqtyrýlar ózara baılanysty jáne birtutas maqsatqa – sýperprezıdenttik modelden prezıdenttik respýblıkaǵa túpkilikti kóshý úshin quqyqtyq baza qurýǵa, birqatar bılik ókilettikterin qaıta bólýge, Parlamenttiń róli men mártebesin arttyrýǵa, halyqtyń eldi basqarýǵa qatysýyn keńeıtýge jáne azamattardyń quqyqtaryn qorǵaý tetikterin kúsheıtýge baǵyttalǵanyn aıtty.
Esterińizge salsaq, QR Parlamenti Májilisiniń AMANAT partıasy depýtattyq fraksıasynyń músheleri qazirgi ýaqytta barlyq óńirlerdiń turǵyndarymen konstıtýsıalyq reformalardyń qajettiligin túsindirý boıynsha kezdesip jatyr.
Aqparattyq materıal «Respýblıkalyq referendým jónindegi» QR Zańynyń 7 baby 2 tarmaǵy boıynsha «AMANAT» partıasy qoǵamdyq birlestiginiń Almaty qalalyq fılıalynyń tapsyrysymen shyqty, jaýapty tulǵa M. B. Otynshıev.