Álem chempıonatyna elimizdiń atynan 12 boksshy bardy
Bokstan áıelder arasyndaǵy Álem chempıonatynda búgin, 13 mamyrda qazaqstandyq eki sportshy sharshy alańǵa shyǵady, dep habarlaıdy Almaty-akshamy.kz QazAqparatqa silteme jasap.
Túrkıanyń Ystanbul qalasynda ótip jatqan Álem chempıonatynda búgin, 13 mamyrda keshki sesıada Gúlsaıa Erjan (81 keli) ýkraınalyq Olesá Krysúkpen kezdesedi.
Al Lázzat Kúngeıbaeva (81 keliden joǵary) túrkıalyq Shennýr Demırmen jekpe-jekke shyǵady.
Dúbirli dodada el quramasynan Alýa Balqybekova (48 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Valentına Halzova (70 keli) jarystyń kelesi satysyna shyqty.
Álem chempıonatyna elimizdiń atynan 12 boksshy bardy. Olardyń arasynan Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli) men Nadejda Rábes (75 keli) jarys jolynan shyǵyp qaldy.
Álem chempıonaty 20 mamyrda máresine jetedi.