Zańǵa sáıkes qazaqstandyqtar ózderiniń quqyqtary men bostandyqtaryn qozǵaıtyn zańdarǵa nemese normatıvtik-quqyqtyq aktilerge daýlasa alady
QR Parlamenti azamattardyń quqyqtary men bostandyqtarynyń buzylýy týraly shaǵymdar boıynsha Konstıtýsıalyq sotqa júginýge múmkindik beretin zań qabyldady, dep habarlaıdy Almaty-akshamy.kz Almaty.tv-ge silteme jasap.
Qujat boıynsha ol elimizdiń búkil aýmaǵynda Ata zańnyń ústemdigin qamtamasyz etetin birden-bir organ bolady. Ózgesheligi sol – bıliktiń sot tarmaǵyna jatpaıdy. Jeke organ retinde qarastyrylǵan. Eger de Prezıdenttiń Jarlyǵy men Zańdary Konstıtýsıaǵa qaıshy kelse, onyń kúshin joıatyn quzyretke ıe bolmaq. Zań jobasyn Joǵarǵy palata otyrysynda Ádilet mınıstri tanystyryp ótti. Qanat Mýsınniń aıtýynsha, saılaýdy durys ótkizý, Parlament qabyldaǵan zańdar men halyqaralyq sharttardyń Ata zańǵa sáıkestigin qaraý osy Konstıtýsıalyq sot qyzmetine jatady.
«Konstıtýsıalyq sot azamattardyń ótinishteri boıynsha olardyń quqyqtary men bostandyqtaryna tikeleı tıetin normatıvtik-quqyqtyq aktilerdiń Konstıtýsıaǵa sáıkestigin qaraıtyn bolady. Sondaı-aq Konstıtýsıaǵa júginý quqyǵy Bas prokýror men adam quqyqtary jónindegi ýákilge beriledi», – dedi QR Ádilet mınıstri Qanat Mýsın.
Sonymen qatar, Senat "Prokýratýra týraly" zań qabyldady. Ol respýblıkalyq referendým qorytyndysy boıynsha Konstıtýsıaǵa engizilgen ózgeristerdi iske asyrý maqsatynda ázirlendi. Prokýratýranyń negizgi mindetteri adamdy, onyń ómirin, quqyqtary men bostandyqtaryn memlekettiń eń joǵary qundylyqtary retinde qorǵaý, el aýmaǵynda zańdylyqty qamtamasyz etý.
«Prokýratýra organdarynyń qyzmeti alǵash ret Konstıtýsıalyq zańmen retteletinin atap ótken jón. Bul qadam elimizdiń quqyq qorǵaý júıesin jetildirýge mańyzdy úles qosady dep úmittenemiz», - dep atap ótti Máýlen Áshimbaev.