Parıjdegi Olımpıada oıyndarynyń resmı saıty aldaǵy sporttyq jarystarǵa bıletter satylymy bastaldy, dep habarlaıdy Almaty-akshamy.kz.
Jarys bıletteriniń ortasha baǵasy 101 eýrony quraıdy. Muny teńgemen esepter bolsaq, 50 myń shamasynda bolady.
Eń arzan baǵa gólf jarystarynda eken. Onda 24 eýro (12 myń teńgege jýyq) tólep, jankúıer bola alasyz. Al eń qymbat bıletter jeńil atletıka sportynda: ortasha baǵa – 224 eýro (110 687 teńge).
Ózge de jarystardaǵy bıletter baǵasy:
Fýtbol – 24-ten 300 eýroǵa deıin (11 859 - 148 242 teńge).
Boks – 24-ten 520 eýroǵa deıin (11 859 - 256 952 teńge).
Tenıs – 30-dan 420 eýroǵa deıin (14 824 - 207 538 teńge).
Atý sporty – 24-ten 45 eýroǵa deıin (11 859 - 22 236 teńge).
Bılet baǵasy jarystyń túrine jáne sektory men ornyna baılanysty ózgerip otyrady.
Jarystyń ashylý saltanaty 26 shilde kúni ótedi. Saltanatty keshke qatysý úshin bılet baǵasy 90 eýrodan bastalady, eń qymbaty 3850 eýro dep kórsetilgen.
Parıjdegi Olımpıada oıyndary 26 shilde men 11 tamyz aralyǵynda ótedi.