Tokıo Olımpıadasynyń nátıjesinen keıin sport salasyn damytý máselesi ózekti bolyp tur.
Búgin elordada QR Memlekettik hatshysy Qyrymbek Kósherbaev Tokıo-2020 Olımpıadasynyń jeńimpazdaryn jeńisimen quttyqtaý barysynda osylaı dedi, dep habarlaıdy Almaty-akshamy.kz
Memlekettik hatshy sportpen shuǵyldanatyn halyqtyń sany artsa, tıisinshe, sapanyń da jaqsaratynyn aıtty.
«Búginde eldiń bárinde endi ne isteý kerek degen suraq týyndap jatyr. Eń aldymen, balalar men jasóspirimderdiń dene shynyqtyrý jáne sportpen aınalysýyn qamtamasyz etýimiz qajet. Óskeleń urpaqtyń sportpen shuǵyldanýyna jaǵdaı jasamaı, iri jarystarda jeńiske jetemiz deý ábestik. Sondyqtan elimizdiń barlyq aımaqtaryndaǵy sport mektepteri men úıirmeleriniń jaǵdaıyna tereń taldaý jasalyp, olardy qoldaýdyń keshendi jospary jasalýy tıis. Ondaǵy jumysty júıelep, qur esep pen bos kórsetkishke emes, naqty nátıjege eńbektengen jón. Halyqtyń salaýatty ómir saltyn ustanyp, buqaralyq sportpen aınalysýyn damytqan durys»,- dedi Qyrymbek Kósherbaev.