12 memlekettiń ókilderi Naýryz qurmetine Parıjde beıbitshilik aǵashtaryn ekti, dep habarlaıdy Almaty-akshamy.kz «Habar 24»-ke silteme jasap.
Olar Qazaqstan jerinde ósedi. Qazaqstan elshiligi óz aýlasynda qadirli qonaqtardy qarsy aldy. Aýǵanstan, Úndistan, Iran, Túrkıa, Pákistan, Irak jáne Ortalyq Azıadaǵy búkil elderdiń resmı ókilderi alma aǵashtaryn ekti.
Osy is-sharany uıymdastyrǵan IýNESKO janynda Qazaqstan delegasıasy osylaısha kóktemdi qarsy alýdyń ejelgi dástúrin kórsetti.
Bıyl Naýryz merekesiniń Qazaqstan úshin mańyzy erekshe. Óıtkeni dál 30 jyl buryn bul meıram elimizde qaıta jańǵyrdy. Al búginnen bastap Fransıadaǵy elshiligimizde halyqtar arasyndaǵy beıbitshilik pen dostyqqa arnalǵan shaǵyn baq ósetin boldy.