Parıjdegi jazǵy Olımpıada oıyndarynda sporttyq gımnastıkadan irikteý kezeńi aıaqtaldy.
Bul týraly aqshamnews.kz Ulttyq olımpıada komıteti usynǵan aqparatqa silteme jasaı otyryp habarlaıdy.
Narıman Kýrbanov pen Mılad Karımı týrnırdiń fınaldyq kezeńine joldama aldy.
Kýrbanov tutqaly at snarády boıynsha Olımpıada altynyna talasyp kóredi. Ol irikteý kezeńinde 15.000 upaımen altynshy oryn aldy. Aıta ketelik, jekelegen jattyǵýlar boıynsha segiz gımnast fınalǵa ótedi.
Karımı kópsaıystan jáne erkin jattyǵýdan fınalǵa ótti.
Gımnastardyń nátıjesin nazarlaryńyzǵa usynamyz:
Narıman Kýrbanov:
tutqaly at jattyǵýy – 15.000 upaı, 6-oryn (fınalǵa ótti)
Mılad Karımı:
kópsaıys – 82.065 upaı, 18-oryn
kerme jattyǵýy – 12.700 upaı, 50-oryn
erkin jattyǵý – 14.433 upaı, 8-oryn (fınalǵa ótti)
shyǵyrshyq – 13.000 upaı, 47-oryn
qossyryq – 14.366 upaı, 25-oryn
qol tirep sekirý – 14.300 upaı, 12-oryn
tutqaly at jattyǵýy – 13.266, 38-oryn