Para shańǵy jarysy men para bıatlonnan álem kýbogynyń sońǵy kezeńiniń qorytyndysy jarıalandy.
Saıys nátıjesi boıynsha Qazaqstan quramasy 3944 upaı jınap, top-5-ke kirdi, dep habarlaıdy Almaty-akshamy.kz Astana.tv-ǵa silteme jasap.
Jeke esepte Erbol Hamıtov para bıatlonda 790 upaımen ekinshi, al shańǵy jarysynda 752 upaımen úshinshi orynǵa ıe boldy. Byltyr Beıjińde ótken qysqy paralımpıadanyń júldegeri Aleksandr Gerlıs te maýsymdy «úzdik bestiktiń» qatarynda aıaqtady. Onyń enshisinde 630 upaı bar.
Qazaqstan komandasy barlyǵy 13 medal jeńip aldy. Onyń ishinde 2 altyn, 5 kúmis jáne 6 qola.
«Biz úshin paralımpıadalyq sporttyń mańyzy olımpıadalyq sport túrlerinen kem emes. Sondyqtan biz erekshe qajettilikteri bar adamdarǵa sportta ózderin taýyp, nátıjege jetýi úshin múmkindiginshe barlyq jaǵdaıdy jasaımyz. Qazaqstan quramasyn osy nátıjemen quttyqtaımyn jáne sportshylarymyzǵa bolashaqta da sporttyń bıik shyńdaryn baǵyndyrýdy tileımin», - dedi Mádenıet jáne sport vıse-mınıstri Sarsen Quranbek.