2024 jylǵy 28 tamyz ben 8 qyrkúıek aralyǵynda Parıjde (Fransıa) XVII Paralımpıa oıyndary ótedi.
Jarys sporttyń 23 túrinen uıymdastyrylady. Qazaqstan ulttyq quramasy sporttyń 9 túrinen (para jeńil atletıka, para paýerlıftıng, para taekvondo, para ústel tenısi, para júzý, para dzúdo, para kanoe, otyryp oınaıtyn voleıbol, para nysana kózdeý) óner kórsetýdi josparlap otyr, dep habarlaıdy almaty-akshamy.kz.
Osy ýaqytqa deıin paralımpıadashylar 11 lısenzıa jeńip aldy: otyryp oınaıtyn voleıboldan erler quramasy – 1, para jeńil atletıka boıynsha ıadro laqtyrý – 1, para júzý – 3, para kanoe – 1, para paýerlıftıng – 1, para taekvondo – 3, para nysana kózdeý – 1. Sonymen qatar bıyl Paralımpıadaǵa lısenzıa beretin 23 sporttyq is-shara josparlanǵan. Aıta ketý kerek, Tokıo-2020 Paralımpıadasyna Qazaqstan ulttyq quramasynyń 25 sportshysy qatysyp, 5 medal (1 altyn, 3 kúmis jáne 1 qola) utyp alǵan. Elimiz jalpykomandalyq esepte 48-orynda tur.