Qazir psıhıatr mamandarǵa júginetinder kóbeıgen.
Túrkistanda ótken ǵylymı-praktıkalyq konferensıaǵa jınalǵan mamandar osylaı dedi. Halyqaralyq sharaǵa Dúnıejúzilik densaýlyq saqtaý uıymynyń Qazaqstandaǵy ókildigi men BUU Esirtki jáne qylmys jónindegi basqarmasynyń ókilderi qatysty, dep habarlaıdy Almaty-akshamy.kz.
Álemdik psıhıatrlar qaýymdastyǵy men birneshe eldiń mamandary 3 kún boıy óz oıyn ortaǵa saldy. Sala mamandarynyń málimetinshe, psıhıkaǵa keri áser etetin faktorlar kóshin ishimdikke táýeldilik bastap tur. Odan keıingi oryndarda esirtki men temekige táýeldilik bar. Bul, ásirese, 30 jasqa deıingi azamattar arasynda jıi kezdesedi. Dárigerler elektrondy temeki men qorqordyń da áseri zor ekenin aıtyp, dabyl qaǵýda. Áleýmettik jaǵdaıy tómen azamattar arasynda da júıke aýrýlary az emes. Dárigerler óz tájirıbelerimen bólisip, durys emdeý joldaryn talqylady.