«URKER – 2022» ulttyq báıgesine ótinim qabyldaý bastaldy.
Baıqaý baspa, radıo, ınternet-jýrnalıstıka salasyndaǵy úzdikterdi anyqtaýǵa baǵyttalǵan, dep habarlaıdy Almaty-akshamy.kz QazAqparatqa silteme jasap.
QR Aqparat jáne qoǵamdyq damý mınıstrliginen málim etkendeı, baıqaýǵa medıakontent óndiretin jáne taratatyn respýblıkalyq jáne óńirlik radıostansıalar, baspa jáne ınternet-basylymdar qatysa alady.
Ótinimder 30 qyrkúıek – 19 qazan kúnderi qabyldanady.
Konkýrsqa joldanatyn jumystar 2021 jylǵy 2 maýsym 2022 jylǵy 29 qyrkúıek aralyǵynda baspa basylymynda, ınternet-resýrsta jarıalanýy nemese radıoefırde shyǵýy tıis.
Ár úmitker báıgeniń tek eki nomınasıasyna qatysýǵa quqyly.
Ótinimder urker-awards.kz resmı saıtynda 10 nomınasıa boıynsha qabyldanady:
1. Jyldyń úzdik suhbaty
2. Jyldyń úzdik reportajy
3. Áleýmettik taqyryptaǵy úzdik materıal
4. Jyldyń úzdik jýrnalısik zertteýi
5. Jyldyń úzdik analıtıkalyq materıaly
6. Halyqaralyq taqyryptaǵy úzdik materıal
7. Jyldyń úzdik jańalyqtar portaly
8. Radıostansıadaǵy úzdik joba
9. Jyldyń úzdik fotosýreti
10. Úzdik óńirlik BAQ
Arnaıy premıalar:
1. Ahmet Baıtursynov atyndaǵy arnaıy premıa (baspa BAQ-taǵy joba)
2. Sherhan Murtaza atyndaǵy arnaıy premıa (avtorlyq joba)
3. Batyr Qazybaev atyndaǵy arnaıy premıa (ınternet BAQ-taǵy joba)
Jumystardy bedeldi jýrnalıser, salanyń eńbek sińirgen qaıratkerleri men medıasarapshylar engen táýelsiz qazylar alqasy baǵalaıtyn bolady.
Ár nomınasıanyń úzdik ókiline jeńimpaz ataǵy berilip, «URKER - 2022» estelik músinshesi jáne 1 000 000 teńge mólsherindegi aqshalaı syı tabystalady.
Ulttyq báıge uıymdastyrýshylary – QR Aqparat jáne qoǵamdyq damý mınıstrligi jáne «Medıa damytý qory» korporatıvtik qory.