Almaty qalasynyń №7 qalalyq klınıkalyq aýrýhanasynyń dárigerleri jaǵdaıy úmitsiz bolyp kóringen naýqastyń ómirin saqtap qaldy. Iá, onyń aman qalýyna kúmán kóp bolǵan edi.
Jetpis jasqa taıaǵan zeınetker klınıkalyq aýrýhanaǵa óte aýyr jaǵdaıda túsken. Makrogematýrıa (zárde qannyń paıda bolýy) – qýyq asty beziniń qatersiz gıperplazıasynan týyndaǵan, asqazannyń jiti oıyq jarasynan asqynǵan, buryn mıokard ınfarktisi bolǵan, koronarlyq jáne búıir arterıalaryn stentteýden keıingi jaǵdaı, 2-3 dárejeli semizdik jáne ortasha aýyr nysandaǵy gemorragıalyq temir tapshylyǵynan týyndaǵan anemıa.
Sondaı-aq, byltyrǵy naýryzda júrek yrǵaǵynyń buzylýyna baılanysty kardıostımýlátor ornatylǵan. Sondyqtan naýqasty emdeý qıynǵa soqqan, ilespe aýrýlary dárigerlerdi tyǵyryqqa tiregen.
Bilikti mamandar keńese kele, naýqastyń ómirin qalaıda saqtap qalý úshin «qýyq asty beziniń gıperplastıkalyq túıinderin rezeksıalaý jáne qýyq asty beziniń qan ketetin tamyrlaryn elektrokoagýlásıalaý» otasyn jasaý týraly sheshim qabyldady.
«Pasıenttiń jaqyn týystarymen emdeý ádisi de talqylandy. Operasıa kezinde qýyqta elektrohırýrgıa kómegimen alyp tastalǵan kishkentaı isik tabyldy. Keıinnen gıstologıalyq zertteý qaterli nátıje kórsetedi. Árıne, qýyqtyń qaterli isigi – bul qaýipti aýrý, ol keıinnen qaıtadan qan ketýge jáne pasıenttiń ólimine alyp kelýi múmkin. Biraq zertteý barysynda qýyqtyń bulshyq et qabatynda isiktiń óspegeni anyqtaldy, bul bizge pasıenttiń qýyq obyrynan tolyq emdeletinine úmit beredi», – deıdi №7 qalalyq klınıkalyq aýrýhananyń emdeýshi ýrolog-dárigeri Rýslan Jumadilov.
Operasıadan keıingi konservatıvti terapıa nátıjesinde pasıent qanaǵattanarlyq jaǵdaıda shyǵaryldy.
Osy oraıda zamanaýı tehnologıalardyń kómegimen, dárigerlerdiń kásibı sheberliginiń, jankeshti eńbeginiń arqasynda osyndaı kúrdeli jaǵdaılarda talaı otandasymyzdyń ajal aýzynan aman qalyp júrgenin aıta keteıik.