Óńirlik komýnıkasıalar qyzmetiniń alańynda Almatynyń bas sanıtarlyq dárigeri Jandarbek Bekshın karantın saqtalmaǵan jaǵdaıda tártip buzýshylarǵa qandaı qaýip tónetinin eske saldy dep habarlaıdy almaty-akshamy.kz
Keıbir «qyzyl» mártebesi bar almatylyqtar dárigerlerdiń talaptaryn elemeı, qoǵamdyq tamaqtaný oryndaryna, saýda oıyn-saýyq ortalyqtaryna, qala kınoteatrlaryna barýǵa tyrysýda. Barlyq buzýshylarǵa – 70 adamǵa 30 AEK aıyppul salyndy.
Osyǵan baılanysty Jandarbek Bekshın azamattardy jasyna jáne qyzmet salasyna qaramastan, usynystar men shekteý sharalaryna jaýapkershilikpen qaraýǵa shaqyrdy jáne karantın rejıminiń saqtalýyn baqylaý boıynsha jumys jalǵasady dep ýáde berdi.
- Qala turǵyndaryn «jasyl» aımaqqa kirgenine qaramastan, alys jáne jaqyn shetelderdegi KVI boıynsha epıdemıologıalyq ahýaldyń kúrdelenýin eskere otyryp, karantındik sharalardy saqtaýdy jalǵastyrýǵa jáne belsendi vaksınalanýǵa shaqyramyn. Tek ujymdyq ımýnıtet qala turǵyndary arasynda vırýstyń taralýyn jáne indetti toqtatady, ıaǵnı taralý tizbegin úze alady, - dep atap ótti Almaty qalasynyń bas sanıtarlyq dárigeri.
Megapolıs turǵyndary KVI ınfeksıasyn burynǵydaı saýda nysandarynda – 31,5%, otbasylarda – 22,0%, qoǵamdyq kólikte – 18,3% jáne bazarlarda – 10,2% juqtyrýda.