Qysta únemi sharshap júrmes úshin jáne aýrýǵa tótep beretin dárýmender aǵzaǵa asa qajet
Vıtamın C – qysta adam aǵzasynda tapshy bolady, sondyqtan únemi sýyq tıip jatady. Aǵzada S vıtamıni jetkilikti bolý úshin apelsın, qyzanaq, bolgar buryshyn jeý kerek. Ashytylǵan qyryqqabatta da S dárýmeni óte kóp, dep habarlaıdy Almaty-akshamy.kz 24.kz-ke silteme jasap.
V tobyndaǵy vıtamınder – eger olar jetkiliksiz bolsa, onda sizdiń ernińiz jarylyp, tyrnaqtaryńyz ben shashtaryńyz synǵysh bolady. Sondaı-aq bul toptyń dárýmenderi jetispese, siz jıi ashýǵa boı aldyrasyz. Buǵan jol bermeý úshin kúrishti, jumyrtqany, sút ónimderin, jańǵaqtardy, qaraqumyq pen qyzylshany jeý kerek.
E dárýmeni – ol jasýshalardy ottegimen qamtamasyz etedi, joǵary psıhıkalyq stresti jeńýge kómektesedi, sondaı-aq deneni júıke buzylýynan jáne stresten qorǵaıdy. Bul sizge mindetti túrde kerek. E vıtamınin jetkilikti alý úshin qyryqqabat, shpınat, maısyz et, ósimdik maıy men jumyrtqany kóbirek paıdalanǵan jón.
D vıtamıni – ol kúnniń bolmaýyna baılanysty jetispeıdi. Jazǵa deıin qalypty ómir súrý úshin bul dárýmendi sút ónimderinen, balyq maıynan jáne ýyldyryqty kóp jeý arqyly sińirý kerekpiz.
A dárýmeni –ol óte paıdaly, óıtkeni kórý qabiletine jaýap beredi, shash pen tyrnaqtyń kúıin jaqsartady, sonymen qatar ımýndyq júıeni nyǵaıtady. Ol sútte, balyqta, sábizde, aqjelkende, órikte jáne jumyrtqada kóp kezdesedi.