Almatyda ózgeniń telefonyn tartyp alyp, qashyp ketken azamat ustaldy
Bostandyq aýdanynyń polıseıleri bótenniń múlkin ashyq túrde urlady degen kúdikpen er adamdy ustady, dep habarlaıdy Almaty-akshamy.kz
«Qaskóıdiń oryndyqta otyrǵan qyzdarǵa nazar aýdarǵany belgili boldy. Qarsylastyń álsiz bolatynyna sengen ol arǵy jaqtan qyzdardyń birine júgirip kelip, onyń qolynan telefonyn tartyp almaq bolyp, dene jaraqatyn salǵan. Alaıda jábirlenýshi osal bolmady, ol óz múlkin qorǵaýǵa tyrysty. Qaskóı báribir bótenniń múlkin tartyp alyp, qashyp ketken. Biraz ýaqyttan keıin bizdiń bólimsheniń qyzmetkerleri ony ustady. Ol óz kinásin moıyndady. Bul derek boıynsha QR QK-niń 191-babyna sáıkes qylmystyq is tirkelgenin habarlaımyn. Kúdikti qamaýǵa alyndy», – dedi Bostandyq aýdandyq polısıa basqarmasynyń bastyǵy Maqsat Qanapáev.
QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.