Ótetin orny: «Alataý» dástúrli óner teatry
24 mamyr kúni saǵat 19:00-de ult janashyry, jazýshy, etnograf, Baýyrjan Momyshulynyń kelini Zeınep Ahmetovamen kezdesý ótedi, dep habarlaıdy Almaty-akshamy.kz
Kezdesýdi «Adyrna» UEB qoǵamdyq qory uıymdastyryp otyr.
«Zeınep apaıymyz tekti, qaharman qazaqtyń kelini, Momyshuly áýletiniń ókili. Odan bólek qazaqy salt-dástúrdiń bilgiri, jazýshylyǵy da bar. Ol kisi Almatyda tursa da, qalamyzda buryn-sońdy osyndaı aýqymdy shara ótpepti. Apaımen kezdesýler kóbine tek aımaqtarda ótip kelipti. Baıqasańyzdar, qazir jas býynǵa beretin tárbıesi joq, jalańashtanýmen aty shyqqan nemese dindi teris nasıhattap júrgen aǵymnyń ókilderi, halyqty aldap júrgen jelidegi alaıaqtarmen kezdesý ótkizilip jatady, solar jastarǵa aqyl aıtyp otyrady. Olardyń el jınap, aqyl aıtýǵa moraldyq quqy joq. Al Zeınep apaımen kezdesýler kóbirek ótkizilip, ol kisiniń keńesin tyńdap, bilgenin estýimiz kerek, buǵan memlekettik turǵydan qoldaý bolsa durys bolar edi», - dedi keshtiń uıymdastyrýshysy Arman Serikuly bizdiń tilshimizge.