Mańǵystaýǵa Ózbekstannan ákelingen 2 tonna qurmadan komstok qurty tabyldy
Eki eldiń shekarasyndaǵy fıtosanıtarıalyq baqylaý beketiniń ınspektorlary jemisti tekserý barysynda qaýipti zıankesti anyqtaǵan. Aıta keteıik, komstok qurty adamǵa zıan keltirmeıdi. Biraq ósimdiktiń 300-ge jýyq túrin zaqymdaıdy, dep habarlaıdy Almaty-akshamy.kz
Qurttyń kemirgen jeri jasyl-jelektiń sarǵaıýy men jemisterdiń shirýine ákeledi. Sondyqtan karantındik zıankes qataryna jatqyzylǵan.
«Bizdiń maqsatymyz – karantıntındik nysandardyń barlyq túrlerin QR aýmaǵyna taratpaý. Taralǵan jaǵdaıda tolyqtaı lokalızasıa jasaý úshin úlken ekonomıkalyq shyǵyn keltiredi. Osy jyly 3 ret osyndaı jaǵdaı boldy. Ózbekstannan kelgen kapýstadan karantındik nysan anyqtaldy, bireýi óli jáne tiri kúıinde anyqtaldy. Qurmadan qurt tabylýy – úshinshi jaǵdaı. Sol jerde túsindirý jumystary berildi, aqparat berildi, atalǵan ónim keri qaıtaryldy», - dedi oblystyq Ósimdikter karantıni, ósimdikterdi qorǵaý jáne fıtosanıtarıalyq baqylaý beketteri jónindegi memlekettik ınspeksıa bóliminiń basshysy Aqjarqyn Meńdigereeva