Arhıv kúnderi aıasynda Qazaqstan delegasıasy Ózbekstan arhıvteri men mýzeıleriniń qyzmetimen tanysty, dep habarlaıdy aqshamnews.kz QR Mádenıet jáne aqparat mınıstrliginiń baspasóz qyzmetine silteme jasap.
Qazaqstan men Ózbekstan arhıvterinde saqtalǵan biregeı tarıhı qujattar negizinde «Tarıhı jadyny saqtaǵan arhıvter», «Mádenı mura jáne arhıv qazynalary», «Qazaqstan men Ózbekstannyń tarıhı baılanystary arhıv derekterinde» atty taqyryptyq kórmelerdiń ashylýy ótti.
Sonymen qatar eki eldiń ortaq mádenı jáne tarıhı baılanysyn pash etetin «Arhıv fotoqujattarynda Qazaqstan men Ózbekstannyń mádenı yntymaqtastyǵy» atty biregeı kitap-albomnyń tusaýy kesildi.
Qazaqstan arhıvshileri men ǵylymı qaýymdastyq ókilderi «Aqparattyq qoǵamdaǵy arhıvterdiń róli men mańyzy» atty halyqaralyq ǵylymı-praktıkalyq konferensıaǵa qatysty. Forýmda eki eldiń ókilderi arhıvterdi sıfrlandyrý, qujattyq murany saqtaý, arhıv qorlaryn tolyqtyrý jáne qoljetimdi etý máselelerin talqylady.
Atalǵan is-shara Qazaqstan Respýblıkasy Mádenıet jáne aqparat mınıstrliginiń Arhıv, qujattama jáne kitap isi komıteti men Ózbekstan Respýblıkasy Ádilet mınıstrligi janyndaǵy «Ýzarhıv» agenttigi arasyndaǵy mádenı-gýmanıtarlyq yntymaqtastyqty keńeıtý jónindegi kelisimderdi júzege asyrý týraly 2023–2026 jyldarǵa arnalǵan is-qımyl jospary aıasynda uıymdastyryldy.