Reformalaýdyń arqasynda qazirgi prezıdent qaıtadan saılaýǵa túse alady.
Ózbekstan prezıdenti Shavkat Mırzıóev Konstıtýsıaǵa túzetýler engizýdi referendým arqyly júzege asyrýdy usyndy. Bul týraly Memleket basshysynyń baspasóz hatshysy Sherzod Asadov málimdedi, dep habarlaıdy Almaty-akshamy.kz Egemen.kz silteme jasap.
«Komısıanyń usynysy boıynsha Parlament ázirlegen jobany búkilhalyqtyq talqylaýda qaraýdy jáne ony referendým arqyly qabyldaýdy usynamyn», -dedi prezıdent.
Jalpy, Mırzıóevtiń aıtýynsha, qazirgi zańnama boıynsha Parlament negizgi zańǵa túzetýler engizýge quqyly.
2022 jylǵa josparlanǵan Konstıtýsıany reformalaýdyń arqasynda qazirgi prezıdent qaıtadan saılaýǵa túse alady. Buny Senattyń vıse-spıkeri Sadyq Safaev aıtqan bolatyn.
2016 jyldan beri Mırzıóev eki márte prezıdent bolyp saılandy. Ózbekstannyń qazirgi Konstıtýsıasy boıynsha, bir adamǵa qatarynan eki márte prezıdent bolýǵa tyıym salynǵan. Konstıtýsıany reformalaýdy arnaıy komısıa qoǵamdyq talqylaýdyń kómegimen ótkizedi.