Toqaev Bektenovke birqatar tapsyrma berdi.
Qasym-Jomart Toqaevqa elimizde sybaılas jemqorlyqqa qarsy kúres boıynsha qabyldanyp jatqan sharalar jóninde baıandaldy. Atap aıtqanda, alty aıda 1 200 sybaılas jemqorlyqqa qatysty is qozǵalyp, 750 laýazymdy tulǵanyń qylmysy áshkerelendi, dep habarlaıdy Almaty-akshamy.kz Aqordaǵa silteme jasap.
Prezıdentke qylmystyq isterdi tergeý barysy jáne keltirilgen shyǵyndy óteý sharalary jóninde aqparat berildi. Sonyń ishinde elden zańsyz jylystatylǵan qarjy aktıvterin qaıtarý týraly da aıtyldy.
Oljas Bektenovtiń habarlaýynsha, atalǵan sharalar aıasynda halyqaralyq yntymaqtastyqty keńeıtý jumystary jalǵasýda. Qazaqstannyń Eýropa keńesiniń sybaılas jemqorlyq úshin qylmystyq jaýapkershilik jónindegi konvensıasyna qosylýy, jemqorlardyń kóleńkeli tabystaryn ashý isindegi tıimdi ádisterdiń biri bolmaq.
Budan bólek, Prezıdenttiń tapsyrmasyna sáıkes Agenttik «Atameken» ulttyq kásipkerler palatasymen birlesip, sheneýnikterdiń bızneske zańsyz aralasýyn boldyrmaý jónindegi qorǵaý tetikteri boıynsha sharalar keshenin ázirledi.
Kezdesý qorytyndysy boıynsha Memleket basshysy Sybaılas jemqorlyqqa qarsy qyzmettiń jumysyn kúsheıtýge qatysty birqatar tapsyrma berdi.