Ózbekstannyń Ortalyq saılaý komısıasy prezıdenttik saılaý aldyndaǵy básekege qatysatyn tórt úmitkerdi tirkedi, dep habarlaıdy Almaty-akshamy.kz.
Gazeta.uz saıtynyń habarlaýynsha, Shavkat Mırzıóev Lıberaldyq-demokratıalyq partıadan, Halyqtyq-demokratıalyq partıadan - Ulyqbek Inoıatov, «Adolat» sosıal-demokratıalyq partıasynan - Robahon Mahmýdova jáne Ekologıalyq partıadan - Abdýshýkýr Hamzaev tirkelgen, dep jazdy kz.kursiv.media.
Óz kezeginde «Mıllıı tıklanısh» partıasy óz kandıdatýrasyn usynbaı, qazirgi Prezıdent Shavkat Mırzıóevtiń kandıdatýrasyn qoldady.
Saılaý naýqany 7 maýsymda bastalady. Saılaý 2023 jyldyń 9 shildesine belgilengen.
Eske salaıyq, mamyr aıynyń basynda Ózbekstan memleket basshysyna kezekten tys Prezıdent saılaýyn jarıalaýǵa múmkindik beretin konstıtýsıalyq zań qabyldaǵan bolatyn.
Shavkat Mırzıóev 8 mamyrda Olıı Majlıs palatalarynyń, partıalardyń, sot jáne atqarýshy bılik organdarynyń basshylarymen referendým qorytyndysyna arnalǵan jıynda kezekten tys Prezıdent saılaýy ótetinin málimdedi.
Budan buryn habarlanǵandaı, Ózbekstanda naýryz aıynda Ózbekstan Respýblıkasynyń Konstıtýsıasy týraly zań jobasynda Ózbekstan Prezıdentiniń ókilettigin bes jyldan jeti jylǵa uzartý týraly tarmaq engizilgen. Ózbekstan Konstıtýsıasynyń jańa redaksıasyna 27 bap engizý josparlanýda. Baptar sany 128-den 155-ke deıin ósedi. Osylaısha respýblıkanyń negizgi zańy 65 paıyzǵa jańarmaq.