Almaty qalasy Jastar saıasaty basqarmasy jáne Esirtki qylmysyna qarsy kúres basqarmasy, Almaty qalasynyń polısıa departamenti qoldaýymen, Almaty qalasy Jastar saıasatyn damytý memlekettik qory jáne «Dınamo» dene shynyqtyrý jáne sport qoǵamy uıymdastyrýymen, «Dınamo» stadıonynda balalardy qorǵaý kúnine jáne nashaqorlyqpen kúres aılyǵyna arnalǵan Almaty qalasynyń demalys ortalyqtarynyń tárbıelenýshileri men «Dınamo» dene shynyqtyrý jáne sport qoǵamynyń balalary arasynda «Marafon Jas Dınamo» - «RÝH - MARAFON» sporttyq oıyn-saýyq merekesi ótti, dep habarlaıdy Almaty-akshamy.kz.
Bul spartakıadanyń negizgi maqsaty - demalys ortalyqtarynyń jasóspirimderi men jastary arasynda salaýatty ómir saltyn nasıhattaý, olardy dene shynyqtyrýmen jáne sportpen júıeli túrde aınalysýǵa tartý, sondaı-aq myqty sportshylar men komandalardy anyqtaý.
Shara saltanatty sherýmen bastaldy, oǵan barlyq qonaqtar men sportshylar qatysty. Aýqymdy is-shara birneshe bólimnen turdy: konserttik baǵdarlama, júgirý týrnıri, sporttyń ártúrli túrleri boıynsha sheberlik synyptary aımaǵy, mysaly: estafeta, darts, AKM qurastyrý-bólshekteý, arqan tartys, asyq oıyny jáne t.b.
Jarys bastalmas buryn qatysýshylarǵa erejeler túsindirilip, komandalarǵa bólindi. Ár top 600 jáne 800 metrge júgirdi. Jeńil atletıkanyń kásibı tóreshileri árbir qatysýshynyń jarys ýaqytyn jazyp, qorytyndylaý hattamasyna engizdi. Jeńimpazdar men júldegerler kýboktar, medaldar, maqtaý qaǵazdary jáne syılyqtarmen marapattaldy. Jarys taza aýada sanıtarlyq normalar men áleýmettik qashyqtyqty saqtaı otyryp ótkizildi.
Spartakıadanyń ashylýynyń basty ereksheligi spartakıadaǵa qatysýshylardy qoldaǵan «DIEGO» totemdik ań barysy boldy. Ol sportshylardy qıyndyqtardy jeńýge jáne alǵa qoıǵan maqsattaryna jetýge jigerlendiretin kúsh pen jeńiske degen umtylystyń sımvolyna aınaldy.
Balalardy qorǵaý kúnine oraı jas sportshylarǵa «Tas group» usynǵan balmuzdaq usynyldy.
«Biz salaýatty ómir salty úshin» uranymen: shaǵyn fýtbol, boýlıń, ústel tenısi jáne strıtbol sıaqty sport túrlerinen spartakıada aıasyndaǵy barlyq týrnırler maýsym aıynyń sońyna deıin kezeń-kezeńimen, nashaqorlyqtyń aldyn alý jáne oǵan qarsy kúres aılyǵy aıasynda ótkiziletin bolady.