Barlyǵy 240 azamat aqtaldy.
Ózbekstan Sovet odaǵy kezinde qýdalanǵan azamattardy aqtady, dep habarlaıdy Almaty-akshamy.kz
Ózbekstan Joǵarǵy soty sovet bıligine qarýly qarsylyq kórsetkeni úshin (basmashylar qozǵalysy) qýdalanǵan 240 azamatqa qarsy bes qylmystyq isti qaıta qarap, olardyń bárin aqtady. Bul týraly Joǵarǵy sottyń baspasóz qyzmeti habarlady.
Málimetke qaraǵanda, aqtalǵandar qazirgi Qaraqalpaqstan, Surqandarıa, Naýaı, Samarqan jáne Qashqadarıa oblystarynda 1929-1931 jyldary «sovet bıligine qarsy qarýly búlik jasaǵan». Olar Ózbek SSR jáne Qazaq SSR azamattary.
Bıyl 19 sáýirde de Joǵarǵy sottyń qylmystyq ister jónindegi sot alqasy 1930-1931 jyldary repressıalanǵan 208 ózbekstandyqqa qarsy úsh qylmystyq isti qarap, olardyń bárin aqtaǵan.
Bul azamattar 1930-1931 jyldary Orta Azıa birlesken memlekettik saıası búrosy úshjaqty keńes sheshimi negizinde Sibirdegi lagerlerge aıdalǵan.