Buıryq 11 qyrkúıekke deıin qoǵamdyq talqyǵa usynylyp otyr.
QR Oqý-aǵartý mınıstrligi jańa buıryqtyń jobasyn "Ashyq NQA" portalynda jarıalady, dep habarlaıdy Almaty-akshamy.kz
Onda Qazaqstan oqýshylarynyń oqý jylynyń bastalýy men aıaqtalýynyń merzimderi, sondaı-aq demalys ýaqyty jańasha belgilengen.
Jarıalanǵan aqparatqa sáıkes, menshik nysanyna jáne vedimistik baǵynyshtylyǵyna qaramastan orta bilim berý uıymdarynda aldaǵy oqý jyly 2023 jyldyń 1 qyrkúıeginen bastap 2024 jyldyń 25 mamyryna (qosa eseptegende) deıin jalǵasatyn bolady.
1-11 (12) synyptarda oqý jyly ishinde toqsandardyń jáne demalystardyń uzaqtyǵy:
I-toqsan – 8 oqý aptasy, kúzgi demalys – 7 kún (2023 jylǵy 30 qazannan bastap 5 qarashany qosa alǵanda);
II-toqsan – 8 oqý aptasy, qysqy demalys – 10 kún (2023 jylǵy 29 jeltoqsannan bastap 2024 jylǵy 7 qańtardy qosa alǵanda);
III-toqsan – 10 oqý aptasy, kóktemgi demalys – 11 kún (2024 jylǵy 21-31 naýryz aralyǵynda);
1-synyptarda qosymsha demalys – 7 kún (2024 jylǵy 5-11 aqpan aralyǵynda).
IV-toqsan – 8 oqý aptasy.
Sonymen qatar 9 (10)-synyp oqýshylary úshin qorytyndy bitirý emtıhandary – 2024 jylǵy 29 mamyrdan bastap 10 maýsym aralyǵynda, al 11 (12)-synyp oqýshylary úshin qorytyndy bitirý emtıhandary – 2024 jylǵy 28 mamyrdan bastap 11 maýsym aralyǵynda ótedi.