Ol 78 maldy satyp úlgergen.
105 bas qoıy joǵalǵan Almaty qalasynyń 44 jastaǵy turǵyny 25 qazanda Jambyl aýdany polısıasynyń kezekshi bólimine aryzdanǵan, dep habarlaıdy Almaty-akshamy.kz QazAqparatqa silteme jasap.
Mal ıesiniń aıtýynsha, qoılary 22 qazan kúni túnde jaıylymnan urlanǵan.
«Atalǵan derek QR Qylmystyq kodeksiniń 189-baby 3-bóligi 1-tarmaǵy boıynsha tirkeldi. Jedel izdestirý is-sharalary barysynda atalǵan sharýa qojalyqta malshy bolyp jumys istegen Ózbekstan azamaty kúdikti retinde anyqtalyp, ustaldy. Kúdikti senip tapsyrylǵan 80 bas maldy júk kólikterin jaldap, kórshiles Jambyl oblysynyń Shý qalasyndaǵy mal bazarynda 78 basyn 3 276 000 teńgege saýdalaǵany belgili boldy. Sonymen qatar urlanǵan 25 bas qoı tabylyp, tárkilendi. Ustalǵan azamat bultartpas dálelderden keıin óz kinásin tolyq moıyndady»,- dedi Jambyl aýdandyq PB bastyǵy Asqat Danıar.
Tabylǵan mal zańdy ıesine qaıtaryldy. Kúdikti ýaqytsha ustaý oqshaýlaǵyshyna qamaqqa alyndy. Qazirgi tańda sotqa deıingi tergep-tekserý amaldary júrgizilip jatyr.