Ózgerister testileý ortalyǵy tarapynan joba retinde usynylǵan.
Endi mamyr aıynda testileý ótkizilmeýi múmkin, dep habarlaıdy Almaty-akshamy.kz
2023 jyly negizgi UBT sáýir jáne shilde aılarynda ótedi dep josparlanyp otyr. Bul týraly Ulttyq testileý ortalyǵynyń dırektory Rýslan Emelbaev aıtty.
Onyń aıtýynsha, jyl saıyn negizgi UBT mamyr jáne maýsym aılarynda ótkizilip keldi, endi oǵan ózgeris engizý úshin arnaıy joba ázirlengen.
«Bıylǵy jospar boıynsha birinshi múmkindikke tirkelý naýryz aıynda ashylady. Alǵashqy testileýdi sáýir aıynda ótkizýdiń birneshe sebebi bar: birinshiden, mamyr aıynda mereke kóp. Ekinshiden, bıylǵy oqý jylynda sońǵy qońyraý 31 mamyrda ótedi. Oqýshylardyń bar oıy sońǵy qońyraýdy ótkizýde bolady», – dedi Rýslan Tohtaruly.
Ulttyq testileý ortalyǵy Ǵylym jáne joǵary bilim mınıstrligine usynǵan jańa jobada jaýap nusqalarynyń sany ózgertilgen. Iaǵnı bir durys jaýaby bar test tapsyrmalarynda nusqalar sany 5-ten 4-ke deıin, bir nemese birneshe durys jaýaby bar test tapsyrmalarynda (úsh durys jaýaptan kóp emes) nusqalar sany 8-den 6-ǵa deıin azaıady.
Sondaı-aq UTO dırektory Rýslan Emelbaevtyń aıtýynsha, suraqtar sany da ózgeredi. «Oqý saýattylyǵy» boıynsha 15 suraq: 5 suraqtan 3 mátin (200-350 sóz) beriledi, al «Qazaqstan tarıhy» boıynsha 20 suraq: bir durys jaýapty 10 tapsyrma, mánmátin negizinde 10 tapsyrma beriledi.