Ózbekstan prezıdenti Shavkat Mırzıeevtiń Qazaqstanǵa memlekettik sapary 7 jáne 8 tamyzda ótedi.
Astanada Ózbekstannyń kıno kúnderi ótedi, dep habarlaıdy aqshamnews.kz
6-7 tamyzda Ózbekstan Respýblıkasynyń prezıdenti Shavkat Mırzıóevtiń Qazaqstanǵa memlekettik sapary aıasynda "Chaplin" kınoteatrynda Ózbekstan kıno kúnderi ótedi.
Mádenıet jáne aqparat mınıstrligi taratqan málimetke súıensek, elorda turǵyndary men qonaqtary ózbek kınematograftarynyń eki fılmin tegin kóre alady.
Birinshi fılm - rejıser M.Erkınov 2023 jyly túsirgen "Abdýlla Orıpov: Táýelsizdik ánshisi" kınosy. Týyndyda Ózbekstan memlekettik ánurany mátininiń avtory, kórnekti aqyny Abdýlla Orıpovtyń ómiri men shyǵarmashylyǵy týraly baıandalady. Kórermen aqynnyń balalyq jáne jastyq shaǵyna saıahattap, onyń ózbek ádebıeti men mádenıetine qosqan eleýli úlesinen habardar bola alady.
Ekinshi fılm "Iasha, hotın!"(Jasa, áıel!) komedıasy otbasylyq qundylyq taqyrybyn ázilmen ashady. Oqıǵa zeınetke shyqqannan keıin ózin jalǵyz sezinetin umytshaq basty keıipker týraly. Fılm erli-zaıyptylar, ata-analar men balalar arasyndaǵy ózara súıispenshilik pen qamqorlyqtyń mańyzyn baıandaıdy.