Erler básekesinde tek 80 kelidegi álem chempıony Nurbek Oralbaı ǵana jartylaı fınalǵa shyqty.
Parıj olımpıadasyndaǵy bokstan shırek fınalǵa baılanysty ulttyq quramanyń bas bapkeri Myrzaǵalı Aıtjanov óz pikirin aıtty, dep habarlaıdy aqshamnews.kz
«Olımpıada oıyndary biz úshin sátsiz boldy. Halyq bárin kórip otyr. Sáken rıngte bar kúshin saldy. Barlyǵyn tóreshilerge aýdara salǵym kelmeıdi. Kimniń qolyn kóterdi, sol jeńiske jetti. Kezinde eki ǵana qola alǵan sátimiz bolyp edi. Búgin oǵanda qol jetkize almadyq. Álemniń eki myqty boksshysy kezdesip, óte jaqyn deńgeıde ótti. Men úshin Sáken — jeńimpaz. Sáken eki raýndta jeńip, úshinshi raýndta teń tústi», dedi bapker.