Memlekettik «Arhıv-2025»
QR Mádenıet jáne sport mınıstrliginiń ókilderi Túrkıanyń Súleımanıa kitaphanasynan qazaq jerinen shyqqan ortaǵasyrlyq avtorlardyń 19 eńbegin anyqtap, kóshirmesin aldy, dep habarlaıdy Almaty-akshamy.kz QazAqparat-qa silteme jasap.
Mádenıet jáne sport mınıstrliginiń Qoljazbalar jáne sırek kitaptar ulttyq ortalyǵynyń qyzmetkerleri Túrkıada issaparda bolyp, Qazaqstan tarıhyna qatysty qundy derekterdi elge ákelý boıynsha jumys júrgizgen. Bul jumystar memlekettik «Arhıv-2025» keshendi josparyn iske asyrý maqsatynda atqarylyp otyr.
Zertteýshiler elimizdiń tarıhyna qatysty jazba muralar men qundy qujattar tapqan. Atap aıtqanda, Osmanly arhıviniń 27 qordan, 248 isten turatyn qoryn, Súleımanıa meshiti medresesiniń kitaphanasynda 106 toptamany zertteý barysynda 70 myń tomǵa taıaý jazba, 120 myń tomdaı baspa eskertkishter jınaqtalǵan. Al Súleımanıa kitaphanasynda qazaq jerinen shyqqan ortaǵasyrlyq avtorlardyń 19 eńbegi anyqtalyp, kóshirmesi alyndy.
«İssapar kezinde tabylǵan qundy qoljazbalardyń biri – XIV ǵasyrda altyn áriptermen jazylǵan Altyn Orda hany Ózbek hanǵa tıesili Quran. Sonymen qatar ǵylymı issapar barysynda aqyn Zeınel Súrmeliniń uly Mahmýd Súrmeli Ulttyq ortalyq qoryna kóziniń qarashyǵyndaı saqtaǵan ákesiniń túpnusqa qoljazbalaryn, sol zamandaǵy búkil álemdegi qazaq qaýymdastyǵymen almasqan hattary men óziniń 1500 óleń jolyn resmı túrde tapsyrdy», - dedi Qoljazbalar jáne sırek kitaptar ulttyq ortalyǵynyń dırektory Jandos Boldyqov.