Egde jastaǵy turǵyndar kómek surap Naýryzbaı aýdanynyń ýchaskelik ınspektorlaryna júgindi.
Óz nemeresinen zorlyq-zombylyq kórgen zeınetkerlerdi Almaty polısıasy qorǵady, – dep habarlaıdy Almaty-akshamy.kz Polisia.kz. caıtyna silteme jasap.
Ájesiniń aıtýynsha, olar óz nemeresinen zorlyq-zombylyq kóredi.
«Bizdiń bólimniń qyzmetkerleri zeınetkerlerdiń turǵylyqty jerine bardy. Úıde olarmen birge ul nemeresi de turady. Al qyz nemeresi buǵan deıin birneshe ret ákimshilik jaýapkershilikke tartylǵan. Áıeldiń óziniń týystaryna: ájesine, atasyna jáne ógeı aǵasyna júıeli túrde qol kóteretini anyqtaldy. Ótinish berýshiniń aıtýynsha, áıel 77 jastaǵy atasynyń zeınetaqysyn tartyp alady, ol buryn anasynyń ata-anasyna qarsy qol kótergen. Sonymen qatar ájesi janjal kezinde nemeresi olardy kóshege qýyp jiberetindigin, úıde tóbeles shyǵaratyndyǵyn, úı zattaryn syndyratyndyǵyn, ógeı baýyryn túrmege jabamyn dep qorqytatyndyǵyn aıtty», – deıdi Naýryzbaı aýdandyq polısıa basqarmasynyń bastyǵy Dıdar Ahanov.
«Óz anasyn urady. Ol bul jerden ketýge májbúr boldy, onyń júregi aýyrady, shydaı almaıdy. Ol bárin syndyrdy, óte yzaqor. Atasyn birneshe ret urdy. Ol munyń bárin keıinirek ózi ıemdenip qalý úshin bizdi qurtqysy keletin shyǵar», – dedi zeınetker.
Úıdegi janjaldardy kórshiler de rastaıdy.
«Kún saıyn janjal. Shynymdy aıtsam, bul sondaı jaǵymsyz. Arasha túsýge tyrystyq, biraq bul bóten otbasy, ne deı alasyń», – deıdi zeınetkerlerdiń kórshisi.
Ýchaskelik polıseıler habarlaǵandaı, áıel adammen birneshe ret profılaktıkalyq áńgime ótkizilgen.
«Osy fakt boıynsha biz zeınetkerlerdiń ómiri men densaýlyǵynyń qaýipsizdigi týraly qorǵanys buıryǵyn shyǵardyq. Bul otbasy baqylaýǵa alyndy jáne biz osy úıdegi jaǵdaıdy jáne quqyq buzýshynyń minez-qulqyn baqylap otyramyz. Eger osy is-áreket qaıtalansa, tıisti sharalar qoldanylady», – dedi Naýryzbaı aýdandyq PB-nyń ýchaskelik ınspektory Ǵalym Jarylqasynuly.