Qalalyq kóshi-qon qyzmeti buǵan deıin habarlaǵanyndaı, 7-16 maýsym aralyǵynda shahar aýmaǵynda «Kelimsek» respýblıkalyq jedel-aldynalý is-sharasy ótkizilýde.
Almatyda «Kelimsek» is-sharasy kezinde 12 qylmysker ustaldy, – dep habarlaıdy Almaty-akshamy.kz. Polisia.kz. saıtyna silteme jasap.
Maqsaty – tıisti qoǵamdyq tártipti saqtaý, sheteldikterdiń Qazaqstan Respýblıkasynda bolý erejelerin buzýyn anyqtaý.
«İs-sharanyń tórtinshi kúninde 751 adam kóshi-qon zańnamasyn buzǵany úshin ákimshilik jaýapkershilikke tartyldy, onyń 459-y sheteldik azamattar. Sot sheshimimen 43 sheteldik Qazaqstan Respýblıkasynan shyǵaryldy. Sonymen qatar, sheteldikterdiń Qazaqstan Respýblıkasynda bolý zańdylyǵyn qamtamasyz etý jónindegi sharalardy qabyldamaǵany úshin qabyldaýshy 262 adam jaýapkershilikke tartyldy, 30 jumys berýshige Qazaqstan Respýblıkasynda sheteldik jumys kúshin tartý erejelerin buzǵany úshin aıyppul salyndy . Sondaı-aq, izdeýde júrgen 12 qylmysker is-shara kezeńinde ustaldy, – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.