Almatylyq dárigerler otshashýdan zardap shekken 13 jáne 16 jastaǵy jasóspirimderdiń qolyn aman alyp qaldy, dep habarlaıdy almaty-akshamy.kz qalalyq densaýlyq saqtaý basqarmasyna silteme jasap.
Otany Almaty qalasynda Balalar shuǵyl medısınalyq kómek kórsetý ortalyǵynyń (BSHMKO) travmatologtary jasady.
Eki pasıentte aralas jaraqattar boldy. Klınıka ádisi boıynsha ishki bekitýmen súıek synyqtaryn jabyq repozısıalaý, sondaı-aq oń qoldyń II saýsaǵynyń tinderimen plasıka jasaldy. Biz qoldaryn bólikter boıynsha jınadyq, - dedi Almaty qalalyq balalar shuǵyl medısınalyq kómek ortalyǵynyń travmatology Keshirme Qýanysh.
Aýrýhanaǵa 4 qańtarda otshashýdan zardap shekken taǵy 3 bala jetkizilgen. Úsheýiniń de jaraqaty aýyr. Bireýiniń janaryna zaqym kelgen. Ol ázirge aq jaryqty ǵana kóre alady. Dárigerler balanyń bolashaqta naqty kóretini nemese janarsyz qalatyny týraly boljam jasaýǵa erte deıdi.
Jalpy, qazir balalar shuǵyl medısınalyq kómek ortalyǵyna otshashýdan jaralanǵan 9 bala júgingen. Onyń 5-eýi emdelip jatyr.