Jańa Salyq jáne Búdjet kodeksteri ázirlenip jatyr
QR Premer-Mınıstri Álıhan Smaıylovtyń tóraǵalyǵymen ótken Sheteldik ınvestorlar keńesiniń aralyq otyrysynda Keńestiń Qazaqstandaǵy ónerkásip pen kólik salasyn sıfrlyq transformasıalaý máselelerine arnalǵan 35-plenarlyq otyrysyna daıyndyq barysy, sondaı-aq jumys toptarynyń esepteri qaraldy, dep habarlaıdy Almaty-akshamy.kz.
Premer-Mınıstr óz sózinde qazirgi ýaqytta Úkimet retteýshilik saıasatty jeńildetý jáne ekonomıkanyń naqty sektorynyń ınvestısıalyq tartymdylyǵyn arttyrý boıynsha belsendi jumys istep jatqanyn atap ótti. Jańa Salyq jáne Búdjet kodeksteri ázirlenip jatyr, memlekettiń ekonomıkaǵa qatysý úlesin odan ári azaıtý, demonopolızasıalaý jáne kóleńkeli aınalymǵa qarsy kúres boıynsha sharalar qabyldanýda.
Úkimet basshysynyń aıtýynsha, bul jalpy respýblıkanyń ınvestısıalyq ahýalyna oń áser etedi, ony naqty sandar rastap otyr:
- 2022 jylǵy 9 aıdyń qorytyndysy boıynsha tikeleı sheteldik ınvestısıalardyń jalpy kólemi 18%-ǵa ósip, $22 mlrd-tan asty;
- jalpy ótken jyly sheteldikterdiń qatysýmen 46 iri ınvestısıalyq joba iske qosyldy.
Sonymen qatar Premer-Mınıstr Qazaqstan damýdyń jańa kezeńine aıaq basa otyryp, sıfrlyq transformasıalaýdy qajet etetinin, oǵan ýákiletti memlekettik organdar tarapynan erekshe nazar aýdarylatynyn aıtty.