«Jolaýshylar tasymaly» AQ 2024 jylǵy jumysyn qorytyndylap, 2025 jylǵa arnalǵan josparymen bólisken keńeıtilgen jıyn ótkizdi.
Kezdesýde jolaýshylar tasymalyn júzege asyratyn kompanıanyń barlyq fılıaldary basshylarynyń ótken jyly atqarǵan jumysynyń esebi jáne osy jylǵa jospary tyńdaldy, dep habarlaıdy aqshamnews.kz.
Rail-news.kz málimtinshe, jıynda 2023-2024 jylǵy qozǵalys qaýipsizdigi kórsetkishteri de sóz boldy. Qozǵalys qaýipsizdigin qamtamasyz etý úshin atalǵan merzim aralyǵynda jolaýshylar tasymaly sharýashylyǵy kásiporyndaryna josparly, maqsatty, jospardan tys tekserýler júrgizilgen. 2024 jyly Ulttyq tasymaldaýshynyń poıyzdarymen 13,6 mıllıon jolaýshy tasymaldandy. Eń tanymal baǵyttar Astana – Almaty, Astana – Shymkent, Almaty – Shymkent, Astana – Semeı jáne Almaty – Semeı bolyp otyr. Jazǵy maýsymda tasymal kólemi 4,2 mıllıon jolaýshyny qurady, bul 2023 jylmen salystyrǵanda joǵary kórsetkish.
Búgingi tańda qoǵamda 2 171 vagon bolsa, sonyń 1 325-i standartty, 732-si Talgo, 114-i MVJQ vagondar. Vagondardyń ortasha jyly – 17 jyl. Aldaǵy josparǵa saı 2025 jyldyń sońyna deıin otandyq óndiristen shyqqan MVJQ boıynsha 12 vagon, «ZIKSTO» JSHS 107 vagon, «Shtadlerden» 51 vagon jetkizý kózdelýde.