Qazan aıynda Elektrondyq eńbek bırjasynda (budan ári – EEB) 131,8 myń bos jumys orny jáne 111,5 myń túıindeme ornalastyryldy.
Qyrkúıekpen salystyrǵanda eńbek naryǵynda suranystyń ósýi baıqalady (+4% nemese 1,7 myń bos jumys orny), al usynys 2%-ǵa tómendedi (-2,3 myń túıindeme).
«Qazan aıynda suranystyń eń kóp úlesi óndiris salasyna tústi – 19,7 myń bos jumys orny, bul ótken aıǵa qaraǵanda 71%-ǵa (8,2 myń bos jumys orny) artyq. Óndiristik saladaǵy suranys ósiminiń úshten birinen astamy (35% nemese 2,8 myń bos jumys orny) Batys Qazaqstan oblysyna, onyń ishinde Qarashyǵanaq ken ornyn keńeıtý jónindegi jobany iske asyrýǵa baılanysty keldi. Nátıjesinde óńir EEB-daǵy bos jumys oryndarynyń jalpy sanyn (+67% nemese 3,8 myń birlik) ulǵaıtý boıynsha kóshbasshy boldy», – dep habarlady Eńbek resýrstaryn damytý ortalyǵynyń Strategıa jáne úlken derekterdi taldaý departamenti dırektorynyń orynbasary Ulpan Shegenova.
Qazan aıynda jumys berýshiler tarapynan belsendilik Túrkistan (+36% nemese 2,8 myń birlik) jáne Qyzylorda (+30% nemese 1,1 myń birlik) oblystarynda da baıqaldy.
Eńbek naryǵynda bilim berý jáne tárbıe salasynyń qyzmetkerleri úshin bos oryndar sanynyń qyrkúıekpen salystyrǵanda aıtarlyqtaı tómendeýi
(-43% nemese 13,4 myń birlik) baıqalady. Bul rette bilim berý sektoryndaǵy belsendiliktiń tómendeýi jumys berýshilerge ǵana emes, jumys izdeýshilerge de áser etti. Máselen, orta mektep muǵalimi laýazymyna kandıdattar ornalastyrǵan túıindemeler sany qazan aıynda 30 %-ǵa nemese 3,3 myń birlikke azaıdy.
Qazan aıynda eń kóp suranysqa orta bilikti jumysshylar ıe boldy
(65,2 myń bos jumys orny nemese EEB-ǵa jalpy suranystyń 49,2%). Joǵary bilikti mamandar úshin 31 myń birlik nemese jalpy bos jumys oryndarynyń 24%-y boldy. Biliktiligi joq jumys kúshine 35,6 myń bos jumys orny nemese jalpy respýblıkalyq suranystyń 26,8%-yn qurady.
«Usynysqa keletin bolsaq, EEB-ǵa eń kóp túıindemeni qazan aıynda orta bilikti qyzmetkerler ornalastyrdy – 44,2 myń birlik nemese jalpy usynystyń 40 %-y. Óz kezeginde joǵary bilikti mamandar 39,2 myń túıindeme (jalpy usynystyń 35%) ornalastyrdy. Biliktiligi joq qyzmetkerlerdiń túıindemeleriniń úlesi jalpy sannyń 25%-yn nemese 28,1 myń birlikti qurady», – dedi Ulpan Shegenova.
Óńirler bólinisinde ornalastyrylǵan túıindemeler sanynyń ulǵaıýy Almaty (+44% nemese 3,5 myń túıindeme) jáne Astana (+19% nemese 1,4 myń túıindeme) qalalarynda, sondaı-aq Atyraý oblysynda (+17% nemese 1 myń túıindeme) tirkeldi.
Naqty mamandyqtar bólinisinde EEB-da baılanys ortalyqtary operatorlarynyń (olar úshin bos oryndar sany izdenýshiler sanynan 4,5 myń birlikke artyq), qazandyq operatorlarynyń (3,2 myń birlikke), sondaı-aq ot jaǵýshylardyń (3 myń birlikke) tapshylyǵy baıqaldy. Sonymen qatar, shet tili muǵalimderiniń pozısıasyna úmitkerler sany, kerisinshe, uqsas bos jumys oryndarynyń sanynan 1,2 myń adamǵa, vahterler – 1 myń adamǵa, zańgerler – tıisinshe 0,9 myń adamǵa asyp tústi.
Qazan aıynda jumys berýshiler eń joǵary jalaqy mólsherin qurylys zerthanasynyń ınjeneri (orta eseppen 600 myń teńgeden bastap), ónerkásiptik álpınıserge (583 myń teńgeden bastap), sondaı-aq bas agronomdarǵa (580 myń teńgeden bastap) usyndy. Óz kezeginde, jumys izdeýshiler tarapynan eń joǵary jalaqyny taýar bırjalaryndaǵy treıderler (orta eseppen 1,5 mln teńgeden bastap), bilim berý salasyndaǵy ǵylymı qyzmetkerler (1,1 mln teńgeden bastap), sondaı-aq keme kapıtandary (931 myń teńgeden bastap) surady.