QR Strategıalyq josparlaý jáne reformalar agenttigi Ulttyq statısıka búrosy turǵyn úı naryǵyndaǵy baǵaǵa qatysty málimet usyndy, dep habarlaıdy Almaty-akshamy.kz QazAqparatqa silteme jasap.
Bir jylda (2022 jylǵy naýryzben salystyrǵanda 2023 jylǵy naýryzda) páterlerdi qaıta satý baǵasy – 7,3%, jańa turǵyn úılerdi satý 9,3% qymbattady. Abattandyrylǵan baspanany jalǵa alý tólemi 29,3% artty.
Jańa úıler bir jylda Aqtóbe (25,4%) jáne Aqtaý (24,3%) qalalarynda eń kóp qymbattady. Qaıtalama naryqta baǵa ósiminiń lıderi – Qyzylorda (37,8%), Aqtaý (32,6%), Semeı (31,6%), Qostanaı (29,2%), Óskemen (24,7 %) qalalary. Al turǵyn úıdi jalǵa alý naryǵynda eń joǵary baǵa Kókshetaý (51,1%), Petropavl (48%), Almaty (45,4%) jáne Qostanaı (45%) qalalarynda tirkeldi.
Aıta keteıik, bir aıda (2023 jylǵy aqpanmen salystyrǵanda 2023 jylǵy naýryzda) jańa turǵyn úıdi satý baǵasy – 1,2% ósti, al páterlerdi qaıta satý 0,7% tómendedi. Al baspanany arendaǵa alý quny aldyńǵy aımen salystyrǵanda ózgerissiz qaldy.