Bıyl qarjy bólinedi.
Mádenıet jáne sport mınıstri Almaty qalasyna jumys saparynyń qorytyndysy boıynsha jıyn ótkizdi, dep habarlaıdy Almaty-akshamy.kz.
Jıynda teatrlardy qarjylandyrý jáne mádenıet ǵımarattaryn jóndeýge qarajat bólý máselesin pysyqtaldy.
«Jasyratyny joq, qordalanǵan máseleler bar. Ony júıeli túrde sheshýimiz kerek. Kezdesýde mádenıet ǵımarattaryn jóndeýden ótkizý máselesi kóterildi. Birneshe jyl buryn teatrlardyń birine shetelden qonaqtar kelipti. Dál sol sátte shatyrdyń bir bóligi opyrylyp túsken. Al akterlerge qonaqtardyń aldynda bul osylaı oılastyrylǵandaı oıyn kórsetýge týra kelgen. Bul týraly kezdesýde teatr óneriniń ókilderi aıtyp berdi. Olar ózderiniń janaıqaıyn, sabyrly qalyppen jáne parasatty túrde jetkizdi. Men osy turǵyda zıaly qaýymǵa erekshe rıza boldym», - dedi A.Oralov.
Sondaı-aq, mınıstr jumys sapary kezinde kóterilgen barlyq máseleler baqylaýǵa alynǵanyn atap ótti.
«Almatyǵa jumys saparynyń qorytyndysy boıynsha bıyl mýzykalyq aspaptar satyp alýǵa, pedagogterge qosymsha tólemderge jáne balalardy tegin tamaqtandyrýǵa Respýblıkalyq estrada-sırk kolejine qosymsha 68 mln teńge, Kúlásh Baıseıitova atyndaǵy respýblıkalyq mamandandyrylǵan mýzyka mektep-ınternatyna 258 mln teńge, Ahmet Jubanov atyndaǵy qazaq mamandandyrylǵan mýzykalyq orta mektep-ınternatyna 161 mln teńge bólinetin boldy», - dedi vedomstvo basshysy.